يمثل قطاع ما بعد بيع السيارات والصناعات المغذية له سوقًا ثانويًا لدعم عملية الإنتاج. يعني بعد بيع العربية من المُصنِع الأصلي للمستهلك، بيجي دور السوق الضخم ده واللي بيشمل إنتاج، وإعادة تصنيع، وتوزيع، وبيع، وتركيب جميع أجزاء السيارات، وكيماوياتها، ومعداتها، واكسسواراتها. وعلى المستوى الدولي، في جهة اسمها "جمعية قطع غيار السيارات المعتمدة" بتحدد مواصفات معينة للسوق وفقًا لمعايير صارمة واختبارات جودة، وخصوصًا اللي بتتعلق بالسلامة. يعني من المحتمل أن كل واحد فينا عنده عربية أو بيعملها صيانة بشكل روتيني وبيعمل التحديثات المطلوبة على أنظمتها يكون اشترى على الأقل منتج من منتجات سوق ما بعد البيع. وطبعًا الميزة في السوق ده أنك ممكن تلاقي قطعة الغيار اللي بتدور عليها بالسعر اللي يناسبك.